Pooch Unse Ke Maqbool Hai Fitrat Ki Gawahi

Tu Sahib-e-Manzil Hai Ke Bhatka Huwa Rahi?

Kafir Hai Musalmaan, Tho Shahi Na Fakeeri

Moomin Hai Tho Karta Hai Fakeeri Mein Bhi Shahi

Kafir Hai Tho Shamsheer Pe Karta Hai Bharosa

Moomin Hai Tho Be Taigh Bhi Ladta Hai Sipahi

Kafir Hai Tho Hai Taabi-e-Taqdeer Musalmaan

Moomin Hai Tho Wo Aap Hai Taqdeer-e-ilaahi

Maine Tho Kiya Parda-e-Asraar Ko Bhi Chaak

Dereena Hai Tera Marz-e-Kor Nighaahi